好多美美都想一啲中古品保養小貼士～
大家一齊參考吓！
中古品年紀十幾至五十年左右不等，
想keep得好，一定要做啲保養～
好似人嘅皮膚一樣，年紀越大皮膚自然脆弱，瑕疵自然會較多。
女人唔補好易老！大家都明啦～～
皮具：
天氣-溫度濕度係直接影響皮革架～
- 唔好長期收衣櫃內（尤其開咗冷氣後）因又濕又凍又up住；
但只要不時拎出來吹下搞下就得～最好不時就用吓啦！
否則皮革同五金都會因此易老化的。
如果喺夏天超潮濕時開抽濕機抽下就更好（唔好成日抽，會太乾燥）
**唔好話中古品，就算新款皮具都一樣！
店主試過多年前買左一個Celine Cabas新款tote, 當時放左衣櫃1年無拎出來，結果袋內里成個掉晒皮🥲
- 避免放過重野～ 錫住佢❤️
- 有時中古品會有一陣獨一無二嘅古董味～
店主自己就好鍾意😂仲好親切～即刻諗起行日本嘅中古店！
不過當然唔係所有美美like, 如果想去味，最天然方法係吹風吹佢幾日～
想加快，皮內里可用碧麗珠，其他可以使用無酒精及無刺激成份香劑～再吹風～**吹風是必須的**
- 隔一段時間就為皮革位置用羊皮油/滋潤膏得產品保養～
***但唔係所有皮都適合用同一款產品！必須先了解清楚！！***
- 保養品及清潔用品建議可以去地鐵站最常見嘅維修皮鞋店購買，因都係真皮產品-保養大同小異😊
使用皮革清潔表面不能太大力，只可溫柔/輕輕按摩，否則會傷皮革表面。
🌟而家出街返屋企都要消毒，如果手袋都想消毒，記住千萬唔好用含酒精產品清潔！！！
- 手袋內五金同樣有一定年紀，當年電鍍技術所限，始終會相對容易退色～
想keep好啲，防止氧化-同皮革差不多，五金位置唔好亂搵野抹！
細個時店主唔識死亂搵嘢抹，越抹越淺色🥲當然拉鏈扣避唔到太多，但日後都可以到外電鍍翻新*
-手袋扣；有好多中古袋，如Chanel Dior常用針式啪扣，常見易於老化及，
千萬不要太大力/死力開關，但萬一損壞，其實都好平常，唔使驚！一般可更換的。
店主有時都會換成磁石扣，可問問店主能否更換。
飾品：
- 中古飾品基本上都係銅製+18/24K金電鍍產品！同手袋五金電鍍唔同架😊
- 因電鍍關係，唔建議帶住沖涼，會加速退色/老化。
- 就算實金都係啦～因為足金原色係黃色，所以就算750白金/玫瑰金長期戴慢慢都會變色變黃的～
- 🌟盡量唔好帶出海！帶左出海記得要用淡水洗乾淨，否則海水鹽份會腐蝕氧化！！
- 唔用時要放好塵袋/盒，唔好長時間外露空氣之中，金屬都會經空氣氧化，但記住要不時拎出來用下/抖吓氣。
手錶：
- 中古手錶基本上都無防水功能，所以洗手要推上啲喇～
- 換電芯/保養基本上去返該品牌就得，不過原廠造當然會貴啲；
- 其實一般鐘錶維修店都可以；
不過當然手錶價值高的就唔好去小店做喇，
要去就去啲會賣/維修名錶的店，會相對有經驗。
*btw店主有相熟名錶維修店在尖沙咀，可介紹。
睇落唔知以為好多野注意，但其實無論古董品定近代新款，以上都合適使用。
想美品keep得好，自然要小心使用～好好愛護❤️
尤其古董品，更為珍貴。係現在新款唔可以取代嘅。
手工，用料，款式，甚至乎手袋上面嘅原瑕疵
都有著背後故事同歷史見証，希望美美懂得愛惜同欣賞，唔好只係當佢係一件「二手」，「古董」是見證時代變遷。
以上純屬個人經驗之談，只作參考
請自行衡量。謝謝❤️
